«Դաֆնէզարդը» վերականգնում է հայոց արքայական և իշխանական զարդերը՝ նոր կյանք և կիրառություն տալով այդ հնամենի զարդերին: Զարդը հնում սոսկ գեղեցկություն չի եղել: Այն ցույց է տվել կրողի կարգավիճակը: Բոլոր արքայական զարդերը եղել են իմաստակիր նշաններ՝ խորհրդանիշներ, որոնց կրելու իրավունքը վերպահված է եղել միայն արքայական և իշխանական ընտանիքների անդամներին:

Այսօր, վերստեղծելով պատմական արժեք ներկայացնող այս զարդերը, մենք ցանկանում ենք առաջին հերթին զարդի միջոցով պատմել հայոց թագուհիների մասին, վերհանել պատմական անուններ և ներկայացնել նրանց կյանքն ու գործը: Մեր մյուս նպատակը պատմական զարդանախշերի հիմքով ժամանակակից զարդերի ստեղծումն է, որոնք կրելով յուրաքանչյուր ոք իրեն բացառիկ կզգա: